平時不太上 FB 的我會加入群組學習做包 (午飯時間都用來刨 post，所以少了寫 blog…) ，看到台灣媽媽的高超手藝和心思真是十分佩服，又會儲存起不同的食譜留待日後參考。不過我現時還停留在做磅包的階段，而且因為多是預較時間早上收包，所以食材變化不大。
雖然用 P 牌麵包機的失敗率是很低，但我都遇到了兩次，而且還是做相同的麵包 (其實之前我曾三次成功做過相同的包，所以更加不明白衰在哪裡)，我決定以後不做香蕉麵包了！
[超級失敗的香蕉包，入面唔熟…]
除了早前做的蘋果果醬，原來麵包機還可以做肉鬆。只要把煲過湯的肉放到機內，再放調味料，選用麻薯 mode，約 50 mins 後就有肉鬆了，加入紫菜和芝麻就會更加香口。
[想不到肉鬆都可以自家製！]
之後我打算挑戰超級肥的丹麥包，在網上找到一個減半牛油的食譜，又加了紅豆做饀料，看照片已經很吸引了！
一直想買都未買，而家日本仲推出新機106，又要心大心細買邊部好。
回覆刪除原來出左106 啦, 有新型號買新既好似好D, 我諗應該會多點功能~
刪除快D買啦, 見住自己整既麵包出爐真係好開心嫁!
肉鬆都整到?? 部機真係好似勁吓喎!!!
回覆刪除我開頭見到其他媽媽整肉鬆都覺得好神奇, 又係掉晒D野落去按粒掣就得~
刪除我諗有媽媽已經用得好熟部機, 所以識充份利用佢黎整唔同既野, 我見過有芝士蛋糕, 蘿蔔糕, "羅"米飯!
麵包機係繼電飯煲之後的另一偉大發明呀!! 麵包機真係好方便呀! 肉鬆都整到, 有無得share個receipe呀?!
回覆刪除我都覺得麵包機實在太方便我地現今既媽媽, 唔洗搞一大輪先有得食, 仲要可以用黎整到唔到野, 慳到既時間可以用黎陪小朋友+做家務. 小朋友大點又可以一齊整花式麵包.
刪除我自己冇量肉同調味料既份量, 樣樣都係隨意落, 注意豬肉太多有機會炒到出桶, 我第一次整就有D 燶味, 因為有D 趺左落發熱線搞到有陣燶味. 同埋我係只用麻薯mode, 亦冇切開D 煲湯豬肉.
***
FB group 既食譜
肉絲 250g (不要超過400g)
砂糖 25g
鹽 4.5g
五香粉 5g
老抽 12g
咖喱粉 0.5g
先用麵團mode 打15分鐘, 就不用把肉拆絲. 切細一舊舊即可.
再用麻薯mode, 這樣會快一點, 約一小時完成 (連麵團mode)
***
謝謝分享呀!!!但我部P仔沒有麻薯Mode, 要試一試用其他mode睇吓得唔得!!!
刪除冇麻薯Mode的話就用果醬mode 啦, 不過就要切開一舊舊先~
刪除我都成日睇FB整包group，試過整一次香蕉麵包都係矮仔呢，明明跟足食譜（冇水香蕉麵包），唔知係咪啲蕉冇梅花點所以有影響呢？！
回覆刪除麵包機整包都會唔熟？咁又估唔到喎！我都見人用麵包機整肉鬆，好想試下呀
香蕉麵包我真係唔明差多D 咩, 因為有幾次成功, 又有兩次失敗, 焗完開蓋見到矮仔真係好失望嫁嗎, 所以我諗住唔整香蕉麵包啦, 其實整完都冇香蕉味既~
刪除我第一次整肉鬆係o係娘家拎D煲湯肉返屋企試, 點知真係咁影整, 所以而家自已煲湯的話第二日都會整埋肉鬆~
我整過一次矮仔香蕉包都係焗起有蕉香食落冇蕉味=_=!
刪除有冇試過小高個香蕉蛋糕， 食落都好香蕉味架，我屋企人仲難得讚我有水準 A_A
我發覺好似落任何野, 食落個包都係冇咩味道既...係咪因為我落親都係D粉狀野呢?
刪除麵包機實在會令人上晒癮，我講咗整肉鬆好耐，但一直未清之前買返來罐肉鬆，睇來我都要努力D先，一齊加油畀心機整靚包呀﹗
回覆刪除麵包機真係會上癮呀~
刪除我仲係BB 班, 整住磅包先. 諗起自己好耐都冇買過早餐, 真係開心, 因為我O係大家樂買早餐要19.5 蚊,一份三文治加杯熱飲, 突然覺得自己慳家左~ HEHE!