這星期我正進行一項非常無聊的計劃，就是每天都要穿一雙不同的鞋子上班！
事緣上星期六我穿了一對年多前買的涼鞋上街，印象中我只穿過這雙鞋一次。其實我以往甚少穿涼鞋，之前應該是喜歡那個款式和覺得價錢很划算就買了。
上穿不夠兩小時，我就發現鞋底有一點點鬆脫的現象。回家後我索性將兩片鞋底都撕下，再用萬能膠把它們從新貼上。我想是因為日子久了，鞋的膠水老化，所以黏性就減低。
接著我就想到我心愛的高跟鞋，因為我有若干雙高跟鞋都是已買了一段日子又從來沒有穿過的。而且，這幾個月我好像沒有執拾過鞋櫃，新買的 Converse 和高跟鞋不知在什麼時候開始堆到廳中的大櫃 (不只是我，老公都有兩雙鞋在那兒…)，所以我就決定即時為所有鞋子進行一次盤點 (很無聊，是嗎？)。
結果不太意外，只是發現原來自己的記憶力真的不太好，有一雙鞋自己很喜歡的，竟是完完全全忘了它的存在 (汗…)。我常給老公碎碎諗，說我的衣服鞋子手袋都是買了不穿又不用。
為了要討好老公和試驗鞋子膠水的老化程度，我決定要由這星期開始，每天都穿一雙不同的鞋子上班，星期六日都要多穿不同的涼鞋拖鞋波鞋 Converse。
今天是星期四，計劃仍在進行中，要努力啊！
我都係成 櫃鞋,,,,連娘家個櫃都仲有一大堆自己既鞋,,,哈哈哈, 我都係時候要好似你咁盤點吓先得,,,,
回覆刪除[Tareworker回覆05/27/2011 09:13:00]我係擔心太耐唔著遲d 唔著得, 咁就side 晒啦~
同埋迫自己執下野都係一件好事, 我諗住得閒就執埋d 飾物手袋, 數量唔係多, 不過我呢度放d, o個度放d 咁, 所以我成日都係用同一個袋返工, 又唔會點帶d 飾物, 好side~
WAHAHAHAHAHA I DEF HV TOO MANY SHOES TOO :P btw the pair BELOW is veeeeery pretty!
回覆刪除[Tareworker回覆06/01/2011 09:11:00]咁你都可以試下我呢個計劃呀! 雖然有少少無聊, 但係每日都諗下穿咩鞋襯咩衫褲, 都幾有趣的~
Thank you!
haha...又幾好玩喎. 我應該都夠有七對不同的鞋可以比我咁玩下.
回覆刪除[Tareworker回覆06/01/2011 09:15:00]我老公琴晚同我講: "你個計劃都有少少成效喎"
我諗佢以為我玩兩日就放棄, 而家都第8日啦, 聽日開始應該要著一d 比較高跟既鞋, 最重要係之前冇咩點著過, 可能自己會鍚住d... 哈哈~
女人都係鍾意買鞋，你又係...我又係......我可以同一個款買齊五隻色!!勁........而且都係買多過著(唔通個個女人都有呢種習慣 )....嘩哈哈......不過全部都擺係娘家，新居得兩對咁大拆，因為個鞋櫃太細啦.....完全搬唔到返黎。我好耐無著高根鞋啦，做左量地唔使打扮.....一對波鞋走天涯!
回覆刪除[Tareworker回覆06/01/2011 09:19:00]我搬離娘家時, 真係咩都搬晒走的, 係有一兩件訓覺衫放左o係屋企.
不過o個時冇買咁多鞋啦, 反而搬走左先買到傻左, 可能冇人節制我, 話晒成家人份兩個鞋櫃, 唔係好夠位的~
我而家出街, 都會照睇鞋, 不過就唔比自己買... 除非... 都係唔好除非啦~ 呵呵呵呵呵~
我都係好多鞋, 但著黎著去都係o個兩三對... 特別係d高踭鞋, 買時覺得好靚, 照鏡時條腿又長d, 不過著左一兩次就因為辛苦而放埋一邊... 又唔捨得掉左佢地...
回覆刪除[Tareworker回覆06/02/2011 14:11:00]我都係呀! 我有時仲顛到明明對鞋大/細左一個碼, 我都照買, 因為唔太岩size, 所以著既次數就更少...
我今日就著左對大左1個碼既高跟鞋, 因為加左鞋墊, 所以都叫ok.
哈哈！你呢個計劃幾好！同你一樣，我呢排搬屋執野，先發現好多好喜歡的鞋無著過，唉~
回覆刪除[Tareworker回覆06/03/2011 12:34:00]我個計劃仲實行緊嫁!
今朝想著一對新鞋, 買左1年左右, 我記得買時係size 係細左d 嫁啦, 今日著... 好痛, 結果換左第2對鞋先出門口...
有d 唔開心呀, 驚side 左對鞋, 不過我屋企人又唔岩著喎...