第一位－瑪嘉烈醫院
- 主要由助產士做講者，內容 very good (除第二講夫妻相處之道，由社工講九型人格)，完全為在瑪嘉烈醫院生產的準媽媽而設；
- 第三講是 Must Attend！因為有順產過程的真實片段，雖然有 cut 少許，但都十分震撼；
- 不用預約，但建議早點到達演講廳，因為超多人！
相關文章：{19w0d} 瑪嘉烈產前講座
第二位－美素佳兒
- 內容為母乳餵哺和營養攝取，以及初生嬰兒護理。及後我更收到電話邀請，去了灣仔上實習班；
- 內容實用，營養師和姑娘都講得很好，姑娘的示範很清晰。實習班也是由同一位姑娘負責，還有假 BB 給我們試試沖涼的程序和用紗巾包著 BB 的技巧；
- 贈品有媽咪奶粉一罐和育兒手冊一本。還未開始看那本書，不過討論區的姊妹說內容不錯，我放產假時要記得讀；
- 實習班的禮物是一條大紗巾和媽咪奶粉一包，我正想問老公應否買些大 size 的紗巾備用，Yeah！
第三位－美國雅培
- 張智醫生那部份的嬰兒常見疾病講得很生動，而且易入腦，希望我和老公每人都記到一點點，產後不至於完全失憶。其餘的講座內容不提也罷；
- 贈品一大堆，最實用是尿片和一件衫仔；
- 實習區太細太迫，逛了一圈後就閃人了，因為走不到去看示範。
其他講座還包括雀巢和荃灣港安醫院。
雀巢：因已聽過瑪嘉烈相同內容的講座，而且講得很 rush，即時被比了下去。
荃灣港安醫院：因為地點 OK，所以去聽聽，結果是去了聽廣告… 題目是「現代爸爸的新角色及初生嬰兒有營攻略」，講座內容和題目不太 match！
另外報了兩次都抽不中的 Kinetics talk，主要想去了解一下初生 BB 要打什麼針以及在健康院和私家診所打針的分別。因為懶上網找資料，而且聽 talk 後報打針 plan 應該有優惠，不過抽不到都沒有辦法。
唔係孕婦, 唔知可唔可以去聽呢? 我覺得呢啲講座好得意...hahaha
回覆刪除[Tareworker回覆05/16/2012 16:25:35]你有興趣聽嗎? 如果屋企人有小朋友要幫手照顧, 我覺得去聽下都幾好呀. 有時我都會見到d 孕婦由媽咪陪去聽 talk 的. 自己一個 (唔係孕婦) 去聽 talk 就可能會怪d, 但係陪人去就當然冇問題啦. 通常去聽 talk 都要填預產期係幾時, 如果一齊去既人當中冇人係孕婦, 我都唔知應該填咩, 哈哈哈哈!
haha...我家裡無小朋友, 最少的都10歲, 唔洗點理.
回覆刪除我有興趣只不過係自己未聽過, 又覺得湊bb都真係要有一定程度既智識, 我對啲生活智識上既嘢都有啲與趣, 所以先無講問下啫....hahaha
我連抱初生bb都唔敢架, 好快整親佢哋.
[Tareworker回覆05/16/2012 18:36:48]我覺得你應該唔會驚抱bb 喎~
有時去聽talk, 如果d 內容之前聽過的話 (其實來來去去都係 初生嬰兒護理, 母乳餵哺, 懷孕期身體變化...), 都會有d 悶嫁, 不過我又唔會take notes, 所以聽多d 都冇壞, 易d 記住咁lor~
你就好啦, 咁快可以上到政府既產前講座, 我要等到6月先可以上呢, 因為之前book唔到呢,,希望佢地既talk都ok啦,
回覆刪除[Tareworker回覆05/19/2012 18:19:58]瑪嘉烈既產前TALK 真係唔錯呀, 我係去檢查時收到個時間表既, 而且唔洗上網BOOK 都幾方便.
我諗政府TALK 應該都係實用既多, 因為唔洗賣廣告, HEHE!