很久沒有出新 post 了！大家好，我回來了！
早陣子為了姐姐的婚禮而忙得一頭煙，雖然到現在已過了個多星期，但我仍然覺得很疲累。明天我和老公都請了假，一來有事情要辦，二來大家都想在工作天偷懶一下，因為 4 月的工作會更加忙碌。
***
話說回來，什麼事情真相大白呢？
去年我結婚後，我的家人找不到其中一個親戚家庭的人情。最初爸媽以為自己在掉舊報紙時誤把人情都掉了，後來他們記起從來都沒有收過那個家庭的人情 (我們的親戚全都把人情親手交到爸媽手上)。
其實我不太介意他們是否有給人情，但我就很想在姐姐結婚時，求證一下這是個誤會還是什麼來的。
結果我知道了！因為那個家庭的其中一人在飲宴中途，突然塞了一個沒有署名的利是封給我，還說了一句「廢事又唔記得」之類的說話。
疑團終於都解開了，事後我有告訴家人聽到的那句說話，還好姐姐那封人情有收到手，不然我真會認為他們去飲宴是不會做人情的！
LinkWithin
HAHA~~係咪真係咁大頭蝦呀???
回覆刪除[Tareworker回覆03/30/2011 22:09:00]呢樣真係天知地知佢知 ,但係我就唔知啦~~~
人情呢樣野，真係收唔足都唔好意思開口問!!難為情死......好彩我既婚禮都收足晒咁多賓客比既人情。
回覆刪除不過我有朋友試過，婚禮後計來計去都係少左一個人情(佢又好勁，真係計到係收唔足)，但又唔知個無比，最後....朋友係街度撞返個男性友人，個男性友人自己講話唔記得放低人情，更何惡係....到呢一刻個男性友人都係唔比人情....激死!!
[Tareworker回覆03/30/2011 22:14:00]其實我屋企人開頭係估, 呢個親戚家庭既男士自已落左格... 咁樣估好明顯我爸媽對佢地既印象都麻麻地啦~ 而家總叫得個知字啦! 我自己去飲, 都成日見到d賓客o係飲宴中途比人情個主人家/ 新人, 其實開頭唔記得, 成晚 / 成個飲宴都有大時間可以比, 我諗呢個親戚家庭應該閃左人先記得冇比人情掛~
估唔到咁大頭蝦bor~~ 既然佢俾返，又有俾返你姐姐，唯有揀信佢，費事煩呢！哈哈~~
回覆刪除[Tareworker回覆03/31/2011 11:19:00]佢地有比家姐o個餐only...
咁你BD時有冇一個沒有署名的利是封呀? 會唔會佢地冇寫名呀?
回覆刪除不過我老公都有一個男性朋友冇比人情呀! 我唔覺得係會唔記得囉, 好似你食完飯會唔會唔記得比錢一樣, 點會唔記得呢?
[Tareworker回覆04/01/2011 22:07:00]我地都有對過收左既人情呀, 冇利是封係冇署名的... 再加上親戚既全部係爸媽收完比番我地, 所以都幾肯定係冇左o個個家庭o個封. 而且, 女親戚up 得出 "廢事又唔記得", 即係佢上次唔記得左比啦, 佢交家姐o個餐封人情比我, 而唔係我屋企人, 我諗都係呢個原因...
咁都唔補返俾你???噢!!!!!!
回覆刪除[Tareworker回覆04/02/2011 09:15:00]冇呀... 可能之後都冇咩點見啦~
而家叫知道當初係佢地真係冇比到人情咁啦~ 諗番起都幾搞鬼, 我地屋企人從來都冇諗過係咪中途唔見左 (o係酒店或運送物資途中), 而係o個個親戚家庭冇比到人情, hehe!
咁攪笑！咁今次lee封係俾你家姐/補返俾你？
回覆刪除[Tareworker回覆04/03/2011 12:02:00]呢封人情當然係比家姐啦~ 我o個封就確實宣告 "冇"!
咁都有ge~有彩佢今次記得ja~
回覆刪除[Tareworker回覆04/04/2011 20:51:00]係呀~ 所以我都覺得我家姐&姐夫幾好彩~ hehe!