{Baby} 廣播．請緊握扶手

重陽節有個長 weekend，老公想帶 TareBaby 搭地鐵過海行下 (無錯呀！搭地鐵對 TareBaby 來說都是一個節目，而且我地過左海堅係得個行字。。。)，跟手坐下船仔去尖沙咀，行個大運然後打道回府。

過海目的地是 IFC，有人不滿要落地行無人抱，被要求坐番車車，竟然不斷發出「唔唔唔」的怪聲 (有車坐都不滿，咩世界呀！)，再次落地後更是閃來閃去，與 Daddy 在 Zara 和 City Super 鬥法。。。

逛了一會我們就坐下吃點東西，而 TareBaby 就吃乳酪，之後再買包爆谷就準備坐小輪過海 (咁似去睇戲既？)。

TareBaby 是個愛玩水的小朋友，早兩星期去城門水塘看到水水興奮得嘩嘩聲，絕對是交足戲。今次坐船仔都掛住望水水，就算黑媽媽就照舊嘩聲四起。因為當晚都算大風，所以我要用毛毯包著 TareBaby，無手影相。

到達尖沙咀時已經是晚上九時多，我們在海邊逛兩逛就準備回家了，完成是晚香港交通工具短遊！

回程的地鐵很迫人，有車車坐的 TareBaby 要學大人緊握扶手，而且是頭頂紅色三角形那種扶手，老公抱到手累，媽媽我就當然無能為力啦！


最後送上給老公拍下的照片：