大家可能以為 1 和 2 是指生一個還是兩個孩子，猜對了一半，因為我所面對的情形是一胎有一個還是兩個孩子。
我自己本身是雙胞胎的其中一員，當我告訴媽媽懷孕的消息後，她一直都很擔心我會和她一樣，首胎就來對雙胞胎！因為爸媽會協助我照顧 TareBaby，所以有點擔心到時會十分吃力。
第一次去健康院產檢，因為之前還未照超聲波，替我檢查的醫生說因為健康院沒有超聲波儀器，所以要下星期我去醫院做 Oscar Test 時才知道是單胎還是雙胎。醫生補充說，我懷雙胞胎的機會比其他人大。起初我以為機會只是大一丁點兒，看來似乎不是啊！
揭曉答案的一天，我的孖生姐姐剛巧去我檢查的醫院工作，時間上還可以陪我進房間看超聲波，下面是我和她離開房間後的對話：
姐：「是一個嗎？」
我：「我想是吧，兩個的話，醫生應該會特別告訴我的。」
姐：「我想都是一個，因為我只看到一個 BB。」
我：「醫生只量度了一次頸皮，兩個的話，就要量兩次，所以是一個沒錯。」
一對傻姐妹的對話…
一個好了. 兩個真係會措手不及, 壓力亦會大啲!
回覆刪除[Tareworker回覆02/12/2012 10:30:50]我細個讀書既小學&中學都有幾對孖生姊妹&兄弟, 而家做既公司都有舊同事自己係孖胎, 又有同事既bb 係孖 & 龍鳳胎, 好似我身邊都有d 孖胎既人呀~
雖然我自己對於係咪有孖b 冇咩所謂, 不過始終一胎有兩個, 風險高d, 擔心既野又多d, 有既我會好慶幸, 亦都會小心d, 希望兩個生命都可以順利安全出世, 咁就最好啦~
[Shelley回覆02/12/2012 00:13:34]孖B我一句都好恨架...讀書時見同學一對咁行就好想自己係,不過而家知道會令媽媽擔心好多,想真又真係好難一次照顧兩個喎...今天才知你是孖女之一...好羡慕你呀
[小藍回覆02/09/2012 08:57:09]同埋陀孖風險都大D, 我朋友對孖仔一路都話個細既可能唔得, 所以政府每2星期同佢照一次, 最後32W產檢完決定夜晚拎出黎, 好在2個都冇事, 依家2歲喇~另外4月媽媽會有2對孖B, 一對1月出左世要做手術, 一對依家入左院, 話其中一個細左, 可能要夫D拎出黎, 我生左孖BO個位同學都話陀孖好擔心
[Tareworker回覆02/08/2012 22:32:29]如果一次過兩個, 有幾個問題都唔洗考慮, 例如生唔生多個? 隔幾多先生好? 不過一黎就兩個, 開頭真係會好論盡, 同埋一定要家人幫手, 開支當然會大左, 不過又可以早d 收山. hehe! 有好有唔好啦~
*0* 原來你係雙胞胎啊~其實我反而好恨生孖, 我表弟同堂哥都係孖仔, 不過唔關我事…4月媽媽會有3對龍鳳胎呢~~不過呢d野可遇不可求, 而且又危險d, 不過真係好得意~^^ 醫生冇特別講應該係單胎, 不過都有人好遲先發現係孖, 依家u/s咁清楚, 應該唔會啦
回覆刪除[Tareworker回覆02/12/2012 10:26:24]咁好可惜呀... 不過佢地冇要到, 總有佢地既原因既.
[小藍回覆02/09/2012 08:55:50]咁驚喜~~~~?*0* 我伯娘生完2個堂哥之後, 本來又有左對孖B, 不過因為照倒係孖冇要到…
[Tareworker回覆02/08/2012 22:34:23]我係家姐出左世, 先發現有我既存在, 因為媽咪生bb 既年代, 唔太興照超聲波, 所以真係好surprise. 而家當然冇呢d surprise 啦, 反而會多左好多準備.
我就冇咩所謂, 個天比一個我又好, 一次兩個又好, 我都喜歡~
wow, you pregnant!!!!So great and congrats to you ar. Are they made in Germany :p
回覆刪除[Tareworker回覆02/09/2012 15:02:03]hehe, 唔係啦~
最緊要安全!!依家先知你係雙胞胎既其中一位!!哈哈!!
回覆刪除[Tareworker回覆02/09/2012 15:07:44]係呀, bb 健康又安全咁出世就得嫁啦~ 我冇特別提自己係雙胞胎啊!
懷孖胎真係好辛苦架、不過有時諗辛苦一次可以有2個b又好似幾好喎！
回覆刪除[Tareworker回覆02/13/2012 09:09:53]係啦, 所以一胎兩個有好有唔好啦, 開頭係辛苦好多, 而且開支會係double, 最重要係危險性高d. 但係生一次有兩個, 又睇住兩個一齊大, 都真係會好開心嫁~
hehehe...順其自然啦，一個有一個好，兩個又有兩個開心。
回覆刪除[Tareworker回覆02/15/2012 13:24:52]係呀, 順其自然係最好, 一個定兩個, 都係上天比我地既禮物.
我好羡慕有孖B架...因為我自己唔係丫嘛...
回覆刪除[Tareworker回覆02/20/2012 12:52:57]hahahahaha~ 我諗孖b 真係特別d 既, 不過機會率又比單胎少好多~
我第一次照的時候都有諗: "呀... 有一個定兩個呢?" 生一次有兩個 bb 好似好"抵" 不過相信陀的時候, 生的時候, 和 BB 頭幾個月都加倍地辛苦!
回覆刪除第一次留言, nice to meet you!
[Tareworker回覆03/18/2012 11:21:04]係呀, 一次過陀兩個一定會辛苦d, 個肚都重d 呀, 不過開心又係雙倍的!
nice to meet you too~