若新居的前任業主或租客有傢俱留下，但自己又用不著，大家會怎樣處置這些舊傢俱？數年前我和老公就叫裝修師傅給我們全部棄掉，這個動作當然要收費，盛惠千多二千塊。
今年，我們又面對同樣的事情。不過結果有點不同，我們收到一筆款項並把傢俱送走了，而且更不用支付運費。
實情是，我們把舊傢俱放到屋網放售，註明是買家自取的。數天後我們就成功送走了舊傢俱，收到的款項雖然不是大數目，但滿足感卻很大。一來覺得傢俱還很新淨，棄掉十分可惜。二來轉讓了給有需要的人，幫到別人之餘又可說是為環保出一分力。
若大家有舊傢俱要棄掉，都可考慮一下我們的做法呢！
(那筆款項即日就給我們花掉了…)
你啲 舊傢俱有人耍就好啦, 之果排, 我媽咪個邊換咗個電視地櫃, 舊果個好新淨搵極都無人要, 打去幾間二手傢俱回收都無人要, 真係送俾人都無人收呀, 最後琅自己拆開搬走呢,,,真係好衰!!!
回覆刪除[Tareworker回覆05/21/2011 22:31:00]我地其實都係得幾日時間搬走D 傢俱, 好彩有人一次過要晒先冇咁麻煩咋~
如果冇人要而掉左D 傢俱, 真係有D 可惜呀, 但係又冇辦法喎~
我都有上呢個網 幾好咖
回覆刪除[Tareworker回覆05/28/2011 17:10:00]我本身都唔識呢個網嫁, 不過老公知道, 朋友又試過真係賣到傢俱, 所以咪試下LAW. 後尾都好好彩, 可以O係有限時間內賣晒D 傢俱~
我地前幾個星期先至將一張木台自己搬去垃圾房呀, 收買佬又唔要喎, 我地咪自己搬囉! 張台好新架, 上手留低架, 我地冇位放所以先唔要咋, 我地都覺得好浪費呀!
回覆刪除[Tareworker回覆06/07/2011 13:58:00]係呀, 有時d 傢俱唔係舊的話, 就咁掉左真係好浪費, 不過如果臨時臨急揾唔到人接收, 都冇辦法呀!
所以我地之前賣到d 舊傢俱都算好好彩啦, 因為我地都係得2日時間左右~